Afmælisdagur ársins!

Ég átti afmæli þann 20.febrúar, rétt eins og Kurt Cobain, Cindy Crawford og fleira fallegt fólk. Það væri þó ekki í framsögu færandi ef ekki hefði verið fyrir daginn eftir... en þá upplifði ég besta dag síðari ára í mínu lífi en þá var annar í afmælisdegi og kærastan kom mér snilldarlega á óvart og gaf mér nudd í afmælisgjöf... þá meina ég prófesjónal nudd með heitum steinum, skrúbbi og ég veit ekki hvað og hvað en hún kom með mér og fékk sömu meðferð. Eftir nuddið fórum við inn í baðstofuna en þetta var á Laugum, Laugardal. Þar leið manni eins og ríkum manni, í fyrsta skipti á minni fátæku ævi en þar inni gat maður vafrað um eins og ekkert væri sjálfsagðara og valið milli þess að fara í sauna (ca 4 sauna klefar), gufubað, íssturtu, heitan pott, hvíldarherbergi og ýmislegt fleira. Eftir þessa frábæru afslöppunarferð var farið heim og slappað enn meira af... síðar um kvöldið var svo ferðinni heitið í Keiluhöllina í Öskjuhlíð þar sem komu saman bróðir minn Finnur, vinir mínir Bergvin, Raphaël og Sturla og svo kærastan, Svetlana til að spila afmæliskeilu. Ég bætti persónulegt met mitt í fyrsta leik, skoraði heil 115 stig (er betri í körfubolta...) og lenti í 2 sæti, á eftir keilufríkinu Sturlu. Í öðrum leik lenti ég í 3ja sæti og í þriðja og síðasta leiknum rétt tapaði ég 3ja sætinu fyrir Finni sem var að sjálfsögðu með eitt stig meira en ég. Ég hef sem sagt sjaldan verið svona góður í keilu þó ég hefði ekki unnið giktveikt Nepalskt barn með þessari frammistöðu.

 

Við Svetlana kláruðum svo daginn með því að horfa á Cliffhanger sem ég hafði aldrei séð þrátt fyrir sterkan vilja, fínasta afþreying.

 

Dagurinn fékk 4 1/2 af 5 (ef ég hefði unnið 1 leik í keilu þá hefði hann fengið 5!)

Takk kærlega fyrir mig

Athugasemdir

[Finnur Torfi Gunnarsson, 23.2.2007 kl. 10:44]

Takk sömuleiðis. Hörkukeilukvöld. Þurfum að endurtaka leikinn fljótlega. Ég fékk harðsperrur eftir þetta helvíti heheh

[Eiríkur S. EInarsson (IP-tala skráð) 23.2.2007 kl. 11:49]

Blessaður kútur, Eiríkur hér.

 Leitt að ég skyldi ekki komast í keiluna með ykkur, dagurinn varð lengri en ég bjóst við og ég kom seint heim. Hitti þig vonandi bráðlega í staðinn bara, bíó eða eitthvað:)

[Björgvin Gunnarsson, 23.2.2007 kl. 21:40]

Finnur: Hehe... viss að harðsperrurnar hafi ekki verið eftir körfuna?

Eiríkur: Já endilega, vertu í bandi :)